هاد الوصفة راهم داروها بزااااااااف بصح اليوم رايحة نمدهالكم باسراري انااااا و عفايس باش تورق اكثر


--جربت عدة وصفااااات نتاع العجينة المورقة من الكلاسيكية و الاكسبريس و الرولي و لي تبرشي الزبدة و لي تقطعيها و لي تعجنيها و كل مرة الواحد يتعلم
اولا:العجينة المورقة تحب الماء الباااااارد وكي تلميها خليها حاكمة روحها ماتخليهاش مطلوقة لانو الطراوة هاديك تخلي الطبقات يدخلو في بعضاهم و ماتورقلكش
ثانيا:بالنسبة للمارغارين مالازمش تكون طرية بزاف سيغتو في الصيف راهي تطلق خلاااص مليح انك تبرشيها و ترجعيها للفريجيدار تحكم روحها من بعد تستعمليها
ثالثا: كي تكوني تحلي في العجينة حلي بالحلال من داخل نحو الخارج ماشي العكس يعني تبداي من النص و تطلعي او تهبطي و لا تروحي يمين او يسار
رابعا: حلي العجينة باستعمال الفرينة او النشاء و في كل مرة تكوني طبقي فيها امسحي الفرينة الزائدة لانها تفسدلك التوريق
خامسا: كي تحليها حاولي انك تتحصلي على مستطيل ماشي طريق متعرج و اذا ماقدرتيش اعدلي الجوانب بالحلال باش يرجعو كامل قدقد لانو اذا كانو الطراف مش قدقد رايح التوريق يحي ناقص
سادسا: كي طبقيها على ثلاثة دوري الجيهة لي فيها شوارب العجينة ليك 
سابعا:كي طيبيها ديري اناء نتاع حديد او زجاج يكون مقاوم للحرارة ديري فيه الماء و حطيه في الأسفل راح يساعد في عملية التوريق
لي مافهمتش حاجة تقولي
كي نتفكر نزيد نكتب راه جاني الزهايمر
نروحو ضرك للوصفة 

المقادير
كيلو فرينة
 رطل مارغرين صالحةالخاصة بالتوريق 
 نصف ملعقة ملح 
زوج ملاعق خل 
و فنجال زيت 
و ماء باااااارد 



الطريقة
تخلطي المكونات و تلمي بالماء البارد و تخليها تستراح 

ابرشي المارغرين

حلي العجين و فرشي المارغرين المبرومة و رولي العجين 


حليه بالعرض و اطوي على ثلاثة 

و دوري العجينة ليك بحيت يكونو شواربها مقابلينك زيري حليها و اطويها على ثلاثة و دوري العجينة ليك ن زيدي حليها و اطويها على ثلاثة و قطعيها الى قطع و خبيها