سيقار القطايف و النوتالا
قاطو السيقار
حلوى بدون طهي تقدم مع العصير او الشاي
شهية جداااااا
جربوها لهدا العيد
حمري كمية من القطايف في فرن سااااخن و من بعد حكيهم في السيار
ارحي كيلو نتاع كاوكاو محمص مليييحو زيديلو رطل من حلوة الترك مراپية و لمي بحوالي رطل او اقل من أغسل
العجينة مالازمش تكون جارية بزاف
احشي السيقار بشوكولا نوتالا بعد ماتكوني حطيتيها في حمام مائي لتسهيل العملية
ابسطي عجينة الكوكاو و حطي فيها السيقار المحشي و رولي و قطعيو اعدليها مليييييح بيدك
من بعد اغطسيها في مربى مخفف بعصير القارص و رمدي في القطايف
من بعد غطستي الحواف في الشيكولا و رمدي في البيسطاش(انا مادرتهاش) و زيني بخطوط من الشكولا
بعض النصائح باه يحيكم الشكل و الذوق ملااااح
القطايف حمروهم و ماتنساوش كل مرة تجبدوهم من الفور و تقلبو لانو كاين بلايص ماتلحقهمش السخانة
بعد مايتحمرو مليح و يبردو حكوهم في السيار باه يجيو قدقد و يجي الشكل مليح نتاع السيقار كي يتمرمد
الشيكولا ديروها في حمام مائي باه تطلق روحها و تجيكم سهلة في الخدمة
ماتخدموش بلا سورانغ لانو تلصق و من بعد يتسيپارا الجوا لي حاكمها منها (انا قلقتني )
استخدمت صاشي لي نديرو فيها قشقشة كانت اسهل و أسرع
كي تحشيو السيقار احشوه من الجيهتين باه تاكدو بلي فيه شيكولا مليييح
حبة السيقار اذا شفتوهاماش طويلة بزاف ماتقسموهاش بالتساوي اقسمو جيهة اكثر من جهة باه يجي طويل ماشي صغير و البقايا خبيوهم تسحقوهم في تزيين التحليات و لي موس
المربى خففوه بعصير القارص ماشي ماء الزهر باه يجيكم الذوق مليييييييييييح
0 التعليقات:
إرسال تعليق